Cada vez que a atopes na escaleira, vira de sentido e acelera chanzos sen control, atragoándote co afán de evitala. En canto a perdas de vista, volve activar o refrixerador que garante a conservación do teu obxectivo imperturbable. Ten por seguro que nada pode deter as decisións tomadas, inxeridas, indixestas, inxectadas.
Ou si?
Se cadra, sentar a pensar se subir ou baixar non é tan mala opción.
Ao mellor o encontro coa incerteza outorga outras saídas posibles.
Non o sei.
Eu o único que teño claro é que posúo o dereito inalienable de dubidar... E dáme que o vou exercer sempre. Por que non?
Rosalía Fernández Rial
