Galego
Castellano
No encadre extratextual da profesión literaria, o intelecto da autora é un sistema de lentes tan sofisticado como espontáneo. Dun modo automático, a escritora diante da acción, activa unha óptica omnisciente e catárquica á vez:
Percibo a realidade con delay e posibilidade de edición. Desde a atalaia, en plano panorámico, insiro o foco ata as vosas retinas e volvo distanciarme, reprogramándome en múltiples perspectivas.
Cal xogadora ante xeográfico taboleiro, estudo as estratexias que vos moven e manipúlovos. Transmuto a vosa existencia con ilusos recursos retóricos.
Brindo co océano que nos separa
pola illa
onde escribo o voso existir.
Obsérvovos e bebo,
logo son
-todas e cada unha de vós-.
Rosalía Fernández Rial
Chegada a porto:
Compostela, remate do verán 2016.
