UN MAR DE SENSACIÓNS

Un mar de sensacións é un compendio de rutas e poemas para descubrir a Costa da Morte. Do trazado e estudo dos traxectos reais, primeira parte do libro, ocúpase o autor Xan Fernández , mentres que Rosalía escribe as paralelas viaxes literarias que se recollen ao final do volume. Dese xeito, o lector (day-tripper, yeah) pode "atoparse" na xeografía deste recuncho Atlántico ao tempo que se perde entre paisaxes poéticas e experiencias oníricas. Sempre singrando en círculo, en travesías sen principio nin fin.

CRÍTICAS

"Un mar de sensacións. Rutas e poemas para descubrir a Costa da Morte, un libro escrito a catro mans, por Rosalía Fernández Rial e Xan Fernández Carrera. Ela fai poemas, el os cinco roteiros que compoñen a guía". Praza Pública.

"Xan é a persoa que máis coñece os camiños da nosa comarca e xa é autor de numerosos traballos e guías que poñen en valor a nosa paisaxe. Desta volta deseñou e escribiu sobre unha serie de posibles itinerarios ou roteiros polas terras da Fin do Mundo que van acompañados pola escolla poética de Rosalía Fernández Rial, quen tampouco é unha descoñecida para todos nós, pois xa publicou dous interesantes libros de poemas, En clave de sol (2009) e Átonos (2012), editados pola A. C. Lumieira de Carballo.". Miro Villar: As crebas.